GARATE ALZOLA, Fernando" Heziketak kateatua" ZAZPIKA GARAren aldizkaria 960zk.28-29or. Duela hirurogei urte, zirkuko elefantekume bat ikusi nuen plazako banku bati belarritik katez lotua. Hurbildu eta tronpatxoarekin estutu ninduen bere kontra; besarkatuz eskertu nion keinua. Olgetan eman genuen arratsaldea: elkarren ibilerak eta barreak imitatzen, pilota elkarri botatzen…

GARATEA ALZOLA, Fernando "Anteron txamarrotia,singerren bibotia..." ZAZPIKA GARAren aldizkaria 912zk.28-29or. Lekeitio. 1944ko irailaren 3a. Baskongadoetako autobusa iristen ari da San Kristobal enparantzara. Bidaiariak: Markinako Artibai Musika Bandako kideak, Segundo Olaeta zuzendaria buru. Harreragile: Rufo Atxurra, autobus konpainiak Lekeition duen arduraduna...

Gora Karlos zazpigarrena Fernando Garateak irabazi du Bergarako Elizalde Sariketa, bosgarren kategorian.2015eko azaroaren 7a, larunbata, eguerdiko ordu bata eta erdiak, hego haize epela Bergaran. UNEDen egoitzatik atera eta betaurreko beltzak jantzi ditut, inork ezagutu ez nazan...

GARTZIA BADIOLA, Ander " Laranja Zukua" Bizkaidatz lehiaketako 2015eko irabazlea LARANJA ZUKUA  Uste osoa nuen. Eguzkia esnatzearekin batera, gabeko ikara guztiak lokartuko ziren. Ohetik jaikitzen garenean bezperako amets gaiztoak izaren artean lagatzen ditugu; mundu erreala ez dago sortua ametsentzat...

GARTZIARENA SAN POLICARPO, Mikel "Nor dabil hor?" ZAZPIKA GARAren aldizkaria 919zk.36-37or. Ur garden-gardena. Bere oinak ikusgai belaunetaraino iristen zaion urmaelean. Uda-hondarretako berosapak bultzatzen du laku freskoan murgiltzera. Zerua karga-karga, eztanda egiteko moduan; halere, aintzira arrauzkarari distira berezia antzeman diezaioke, are erakargarriago eginez bainua. Ur-gaineko islan, erori gabeko bi hosto.

GARTZIARENA SAN POLICARPO, Mikel"Harrak" Bagoiko paretetan itzaliak daude kandelak, iluntasunak ez du botererik oraindik; egun-argiak badaki, eta horregatik ezkutatzen da argizari itxuraz otzan babesgabean. Metalezko gurpilen aldizkako kirrinka-hotsak sastaka dira belarrietan, oihukatutako elkarrizketak isilarazten dituzte, leiho-xaflak durduzatzeraino...

GARTZIARENA SAN POLICARPO, Mikel "Leire" ZAZPIKA GARAren aldizkaria 1020zk 30-31or. Etorriai juergan, ahaztezina izangoek!», lagunaren azken whatsappa. Ez da haren mezua parrandan ateratzen konbentzitu duena.--

GARTZIARENA SAN POLICARPO,Mikel" Linterna eraman izan balu..."ZAZPIKA GARAren aldizkaria 868zk.36-37or.Linterna eraman izan balu… Aspaldi-aspaldian, hemendik oso urrun ez zegoen bailara nafar batean, hariztiz eta gaztainondoz jositako baso berde bezain lasaian, bizi zen Ibarra sendia. Beren baserria belaunaldiz belaunaldi jasoa zen. Herrian, hasieran; isolatuta, gero, inguruetako larre gozoenei eta zuhaiztiei etekina ateratzearren.

GARTZIARENA, Mikel" Biharamuna" ZAZPIKA GARAren aldizkaria 969zk.32-33or.Bero-sapa itogarria. Elastikorik gabeko bi gazte txalupa baten gainean. Izerdi-patsetan azala, labainkor. Kopetan behera eguzki-krema errekastoa, distiratsu. Urruti dago portua. Urruti bueltatzeko ordua. Aspaldi ez dietela kanaberei erreparatzen; etzanak eta ertzaren kontra, txalupako bi arraunak bezala...

GELBENTZU ARSUAGA,Ana "Gutuna" L.Luma berrien eleak.5.Zenb.17-18.or. Zaldibian, 1901eko martxoaren 21ean. A mi querida hermana Sor Catalina del Amor Misericordioso. Kattalin mattia, zer moduz zaude?Hemen, ongi esan beharko, bizitza aurrera doa, eta, Jainkoari esker, osasunez ongi. Arima kontuan, berriz, gaixotzeko zorian, izan ere, hain handiak izan dira ezin uxaturik izan ditudan kezkak..

GELBENTZU ARSUAGA,Ana "Pozaren hotsa" Mugalari GARA 2006-6-7- 8 or. Beren urrezko ezteiak pasatzen ari ziren hoteleko kafetegian sartu ziren. Gustura hartu zituzten aulkiak, arrunt egokiak behar zuten atsedenerako. Laster hurbildu zitzaien zerbitzaria, eta café au lait eskatu zuten. Kafesneak prestatu bitartean, sala ederrari begiratu eta sentitzen zuten zorionaz pentsatu zuten. Izan ere, aitona-amonentzat egunerokotasunetik at zegoen une hura. Harritzekoa zen hiri hartan kafesnea hartzen egotea, harritzekoa horrenbeste denboraren buruan osasuntsu eta zoriontsu irautea ere...

GEREKA ZELAI, Axun"Mariren leize-zulo barrenetik"Mugalari GARA 2010-7-30, 59or.Mariren etxean edo leizean, sartu izandako moduan atera behar izaten omen zen bertatik: bizkar eman gabe barnealdeari, barnera begira sartu bada. Hildakoaren arima agertzen zaionak bete behar duenaren antzera, hark ere arimaren bekoz-beko behar du, beti aurrean.

GEREÑU ODRIOZOLA , Idoia "Goizabar eguzkitsua bezain gertu" Luma Berrien Aztarnak 7K GARAren aldizkaria,  711 zk. 2012-09-2, 26-27or.Belusezko gortina gorrien artetik, etxe azpiko lorategi hilari so igaro du gaua, ilargi borobila begira- begira duela, Mariak. Begiak gorri antzera nabari zaizkio, nekearen eta oinazea desegin nahian jaurti dituen malkoen eraginez.

GOIENETXE URRUTIA,Josu "Highway to Barakaldo" ZAZPIKA GARAren aldizkaria 860zk.24-25or. Gaiztoa izan zinen herenegun. Infernura kondenatu zintuzten atzo. Barakaldora iristen ari zara gaur. Behar baino gehiago luzatu zen larunbateko parranda eta biharamuneko mendi txangoa bertan behera uztea erabaki zenuen, aldebakarrez. Aho bakarreko tribunal militar zorrotzak aho batez kondenatu zintuen, bazkalorduan gosaltzen zenuen bitartean. Eta orain Barakaldo ikus dezakezu Californiatik, lagun batek utzitako California zaharretik...

GOIENETXEA CERECEDA, Ekaitz " Egun on" Mugalari GARA 2008-06-07, 8 or. Ur hotzaren txorrota zabaldu dut eta konketa bete aurpegia bertan murgiltzeko. Bart gaueko garagardoek utzi didaten buruko mina hondoratzea da asmoa. Burua belarrietaraino sartuta, durundi metalikoa entzuten da. Itsasoan bezala. Urpekari betaurrekoak jantzi nituen lehenengo aldia txikitan izan zen, osabarekin. Berak denbora luzez iraun zezakeen arnasarik hartu gabe. Nik betaurreko haiekin burua urpera sartu nuenean, lehendabiziko sentsazioa bertigoa izan zen. Gerora, gustu hartu diot sentsazio horri... 

GOIENETXEA CERECEDA, Ekaitz " Hamaikatu"Luma Berrien eleak,2008, 6.zenb. 15-16 or. Katu bat izan nahiko nuke. Ordu luzeak lokartuta goxo-goxo emateko. Begiak itxi eta gauzak usaimenarekin ezagutzeko. Luzammmpenak egiteko, plazer hutsez, eta ez kasu egin gabe gorputza izorratuta sentitzen dudalako.

GOIENETXEA CERECEDA, Ekaitz " The End" Mugalari.GARA , 2009-2-6 , 60 or. The End” denek ikusi dute. Berak, hori baino ez: film bukaera. Gainontzekoak hasieratik daude pantailaren aurrean, eta bera beti iristen da berandu. Beste guztiek oso-osorik ikusten dute pelikula, eta bera ez da ezertaz jabetzen. Koadrilaren lokalean hautsontziak mutxikinez beteta daude narrazioko gure protagonistak lanetik irten osteko lehen kanutoa biltzen duenerako.

GOIENETXEA CERECEDA,Ekaitz" Lorren artean" Luma berrien eleak 2009, 7 Zb. 17 or. Bada lorategi bat distiratsua, eguraldi onak beti landareak loretan edukitzen dituena. Adi egonez gero, barre algara ezkutu bat entzun daiteke lore artean. Han! Ume bat saltoka! Ume ilehori irribarretsu bat da, saltari. Bere burua loreen gainera botatzen du, behin eta berriro, petaloen itsasoan murgiltzeko, eta, desagertzean entzuten dira barre algarak. Pozik dago. Eguzkia ere bai, distiratsu. Loreak ere bai, zabal-zabalik.

GOJENOLA ARRIAGA, Miren " Badoa" ZAZPIKA GARAren aldizkaria 918zk.32-33or.Badoa berriro ere. Badoa eta ez nau agurtu. Gorroto ditut maitale begiradarekin ikusi dituztenen begiak, ondo gorrotatzen ditut abandonua eta malenkonia berdea, soineko batekin janzten dituztenen gogoa.

GOMEZ SARASOLA, Itziar "Ez nago konforme" Luma Berrien Aztarnak 7K GARAren aldizkaria, 757 zk. 2013-07-28, 20-21or.