ARTOLA IZAGIRRE, Mikel"Erretxindorra" ZAZPIKA GARAren aldizkaria 1169zk 14-15or. Haserre dabil azkenaldian. Pandemiak politikaren he- riotza egiaztatu duelako ideia sartu zaio buruan eta, saiatu arren, ezin dio gaina hartu. Agian, suminaldiak hartuta dabilelako hil nahi du urretxindorra ipuin honetan. Bestela, argi du ez litzatekeela ausartuko, Attikus Finch-en miresle baita...

ARTOLA IZAGIRRE , Mikel"Harrak" ZAZPIKA GARAren aldizkaria 1118 zk 28-29or.Sekula ez zuen pentsatuko Pello han ikusiko zuenik. Ez zuen haren berririk izan bi hilabetean. Berak egin zuen ospa egun batetik bestera eta azalpenik eman gabe. Heriorik ez, baina utzi zion orbaina ustekabeko ihesaldiak, memorian...

ARTOLA IZAGIRRE,Mikel" Anaiaren gutuna" ANAIAREN GUTUNA Herritik kilometro pasatxora, Beko Errekako Zubia deritzanean geratzeko eskatu nion Taxi gidariari. Zegokiona ordaindu, eta bizkarrean hartu nituen nekartzan traste hondarrak.

ARTOLAZABAL AMILLETA, Amaia "Etortzeko joanak" Luma berrien eleak 2008. Zenb. 6, 11 or.Antzina idatzi zien Ritak gurasoei helbiderik gabeko lehen gutuna. Hura Maite zaituztet esanaz hasi zuen gerrako umeak. Izan ere, gudatik urruntzeko agurtu zituenean estazioan, negar bakarrik egin ahal izan zuen. Ordudanik, bizitzaren azken hiru laurdenak daramatza aurreko laurdenera eramango duen trenaren zain. Gaur bezala.

ASKATSUA BLAZQUEZ,Mikel" Pixelezko arnasa" ZAZPIKA GARAren aldizkaria 1025zk 28-29or. Jainkoak atea ixtean leihoa zabaltzen zuen moduan, badirudi postmodernitateak sakelako telefonoa oparitu digula etorkizun baikorra asmatzeko gaitasuna galdu dugunean. Leiho berritik sartzen saiatzen dira aurreko gauza txiki guztiak, betikoak, bizitza; baina bizkorrago, intentsuago eta sekula baino orduz kanpoago...

ASOLO,Leontzi" Amandrearenak" Luma berrien eleak 2005, 2 zenb. 19-20 or. Amandre zenari Carmen monjia esaten zioten auzoan. Nire oroitzapenean beti izan da amandre elizkoia, umetan besotik helduta mezetara eramaten ninduenean bezala, edo eskolatik bueltan telebisioan Barrio Sesamo ikusi beharrean arrosarioa erreza arazten zigunean bezala. Baina gauza bat amandrea elizkoia izatea da eta beste bat auzoan Carmen monjia deitzea.

AUZOKOA OLAGOITIA, Iban"Zergaitik?" Mugalari GARA. 2010-4-2 , 60or.Zergatik? Zergatik galdetzen zenion zeure buruari etengabe, zenbat eta gehiagotan galdetu, erantzuna orduan eta errazago topatuko zenuelakoanedo. Zergatik? Zergatik zuri? Zergatik justu ondoen zeunden momentuan? Zergatik utzi zintuen inoiz ez bezala maite zenuenean? Zergatik?

AUZOKOA OLAGOITIA,Iban "Larunbat Fever" Nabarra2009, 6-7 or. Musikaren erritmoa jarraitzen zabiltza, burua atzera-aurreraka astinduz. Eskuan duzun kubata zigizaga dabil alde batera eta bestera edalontzitik noiz irtengo. Aldiro, eskuz aldatzen duzu hotzaren hotzez eskuak gogortu ez dakizkizun. Izan ere, ohi duten legez, edari gutxiago kabitu dadin izotz franko bota diote zure edalontziari.

AUZOKOA OLAGOITIA,Iban "Ongi etorri" Mugalari.GARA 2009-6-12, 59 or. Aspaldi amaitu dira marrazki bizidunak. Telebistari begira jarraitzen du oraindik, ezin esan ordea telebista ikusten ari denik. Burua beste nonbaiten duela dirudi. Bihar ikastolara joan behar du eta dagoeneko lo behar luke. Ohera joateko ordua dela errepikatu diozu hamaikagarren aldiz, lorik egiten ez badu ez dela mutil handia izango. Baina berak ez du lotara joan nahi aitari gabon esan eta bizarrez jositako masail latzetan musu bi eman gabe.

AYERZA SANCHEZ, Ibai" Begien espaloiko putzua" 7k GARAren aldizkaria zenb: 758 , 24-24 or.Seheriano deritzon gizaseme batek berrogeita hama sei urte daramatza soinean, berak bulego deritzon postutxoan. Bulegoa gainerako ONCE postuen antzekoa litzateke Seberianok aurkitu bezainbeste kolorez margotu izan ez balu. Horretaz gain, eskobari lotuta dagoen ikurrin handi bat atxiki berri dio sabaiari. Berak betidanik miretsi izan ditu antzinako batailetan bandera zeramaten soldaduak, hainbat aldiz irudikatu ditu soldaduok banderaz etsaia astintzen.

AZKAGORTA RUIZ DE EGINO, Laida" Isilpeko poema" Luma berrien eleak 2005,2 zenb. 22-23 or.Ordu hartan irekitan zegoen leku bakarra zelako sartu nintzen taberna hartan. Argitzear zegoen; zeru morearen azpian, inguruko mendiak etzanda zeuden animalia izugarriak bailiren, lo; han urrunean piztear zeuden su garrez jabetu gabe. Hotz ikaragarria egiten zuen. Dardarka nabaritzen nuen gorputz osoa; ez dakit, ordea, hotzaren eraginez edo urduritasunez.

AZKARATE TORNER, Gorka "Aurreskua" Mugalari  GARA 2008-4-26 , 8 or. Zenbait hilabete lehenago, egoitza aldatze prozesuak ekarri ohi duen deserosotasuna nozitu zuen gure lantokiak; aldaketa, itxura batean behintzat, onerako zela jakiteak jasangarri bilakatu zuen aldaketa egun haietan bizi izandako zalaparta. Izan ere, Deba ibaiak bustitzen duen haran hertsi eta sakonetik Donostiako Miramongo talaia eguzkitsura egin baikenuen, gauetik goizera, jauzi. Leihorik gabeko eraikin zaharkitutik, uneoro Igeldo, Urgull, eta, zerumugan, itsasoa ikustera, alegia...

AZKARATE TORNER, Gorka "Bakardadearen mende" 2006 eginda argitaratu gabe. Iratzargailuaren txirrin hotsa entzutea ez zen, neguko goiz goibel hartan, buruan mailukada bat jasotzea baino askoz hobea izan; norabidea galdurik, begiak irekitzeko ahalmenik gabe, loaldiaren bat-bateko etenak atsekabea sorrarazi zion Martini, ohetik besoa atera eta minutu erdi amaigabean oihuka aritu zen aparailu madarikatu hura itzaltzen zuen bitartean. Gau osoan zehar izarapeko berotasunak laztandu zuen gorputz hark gelako hotzaren ziztada nabaritu zuen, Martinek bi besoak luzatu eta ohetik irteteko keinua egin zuenean...

AZKARATE TORNER, Gorka "Edorta bertsolari" 2007an Idazle Eskolako bekara aurkeztua. Edorta, zer darabilk buruan, hire txanda duk, motel! Ametsetik esnarazi nau Imanolen xuxurlak; burua biratu eta lagunaren begirada kezkatia topatu dut nigan finko. Pilotalekuko harmailak ikuslez gainezka daude, denak niri begira, arratsaldeko nire lehenengo bertsoa noiz entzungo zain.

AZKARATE TORNER, Gorka "Geltokiko begiradak" Luma berrien eleak  2008. Zenb. 6. 13 or.Senarrak ez zuen azken aldian oso gustuko emaztea eta bederatzi urteko semearekin hirira erosketak egitera joatea; ordu luzetan dendaz-denda ibiltze hori astuna gertatzen zitzaion oso. Goizean indarrez ekin ohi zion jardunari, gogoz, baina orduek aurrera egin ahala, hirukoteak trinkotasuna galtzearekin batera, nekeak aise topatzen zuen euren arteko zirrikituak erreten sakon bilakatzeko modua.

AZKARATE TORNER, Gorka "Oboea" Nabarra 2007ko Azaroa 8-9 or. Zortzi urte bete nituenean hartu nuen, lehenengo aldiz, oboe bat esku artean; ez nuen musika tresna hautatzeko aukerarik izan, gurasoek idatzi baitzuten nire izena oboe irakasle berriaren zerrendan. Oboea. Klasetara joaten hasi nintzen arte ez nuen oboeak zuen itxura ezagutzen, are gutxiago nolakoa zen tresna hark sortzen zuen soinua. Aho zabalik entzun nuen, miresmenez, lehen egunean irakasleak ikasle berrion aurrean jo zuen abestitxoa. Hura zen, beraz, oboea, hura, aurrerantzean joko nuen musika tresna.. 

BABIANO LOPEZ DE SABANDO, Mikel" Gizon baten ametsa" ZAZPIKA GARAren aldizkaria 817zk.  7K astekaria irakurtzen ari zara. Literatura atsegin duzu eta kontakizun laburrak maite dituzu. Aspalditik ezagutzen duzu fantasiaren txoko hau. Edo ez. Oraintxe deskubritu duzu, kasualitate hutsez, eta begiratu azkar bat ematea erabaki duzu, denbora duzulako, aspertuta zaudelako. Kontakizunak motza dirudi, di-da irakurtzen diren horietakoa, eta egongo da, akaso, kontu interesgarririkedo bertan. Akaso.

BABIANO LOPEZ DE SABANDO,Mikel "Gauekoak" ZAZPIKA GARAren aldizkaria 863zk.22-23or. Hemendik goitik gauza harrigarriak ikusten ditut. San Martin naiz eta Urretxuko elizako fatxadan topatuko nauzu. Kapa higatua dut soinean, eta mendez mende bildutako hamaika istorio harrizko buruan. Nire adinak ez du axola. Tira, ez zaitut niri buruzko kontuekin gogaitu nahi, irrikaz egongo zara-eta 1605eko abenduko gau hartan zer gertatu zen jakiteko. Ez dizut hutsik egingo! Jakizu, ordea, ordukoak behar bezala ulertzeko

BALDA SANJUAN, Nerea" Bosgarren zubia" ZAZPIKA GARAren aldizkaria 1015zk 28-29or. Hiru ordu eskas, itzulerako hegaldia ateratzeko. Kirol zapatilak kendu eta arnas egin dute Nahiaren oin egosiek; zerraldo erortzen utzi dio gorputz lehertuari...

BALDA,Nerea" Eserlekua" ZAZPIKA GARAren aldizkaria 962zk.28-29or.Johnnie-k lasterka egin zuen bere etxetik Dexter Avenue-rainoko kilometro eskasa. Ilobari entzundakoa lehenbailehen Martin artzainari kontatu beharrean zen, berak jakingo zuen zer egin...