HEMEROTEKA

 
Tutoritza eta praktika indartuko ditu Idazle Eskolaren
 
ikasturte  berriak

 Bosgarrenedizioarekin hasiko da graduondoa eta aurten 'Idazleak Irakurle' mintegiak

egingo dira

 

 NOTICIAS  DE GIPUZKOA  2007-9-21

 http://www.noticiasdegipuzkoa.com/ediciones/2007/09/21/mirarte/cultura/d21cul86.740075.php

Donostia. Idazle Eskolak 2007-2008ko ikasturtea aurkeztu zuen atzo. Aurtengoa, bosgarren urtea dute eta, urtero bezala, zenbait berrikuntza izango dituzte beren programan, hala nola tutoritza eta praktika indartzea.

Sorkuntza eta idazketa molde guztietara eramateko helburuarekin sortu ziren eskola hauek 2003-2004 ikasturtean eta, dagoeneko, 70 ikasle pasa dira klase hauetatik. Herri Arduralaritzaren Euskal Erakundeko (IVAP) arduraduna den Marijose Arrietak adierazi zuen bezala, hasieran egitasmo soila zena orain errealitatea bihurtu da.

Ikasketa hauen ateak euskal herri guztiarentzat daude zabalduta baina, aurreko edizioetan Bizkaia Gipuzkoa eta Nafarroako ikasleak izan dira nagusi. Orokorrean 30-40 urte bitartekoak izan dira eta gehienak zientzia eta letretako prestakuntza jasotakoak dira. Bi urteko ikastaroa egin ostean, ikasle askok literatura lehiaketetan parte hartu izan dute eta beste batzuek liburuak kaleratu eta prentsan idatzi dute.

bosgarren edizioa Tutoritzak garrantzia izango du aurtengo ikasturtean izan ere bigarren mailako ikasleek 30 orriko lan bat egin beharko dute nahi duten generoa erabiliz. Horretarako, kurtso osoan zehar tutore bat izango dute beren lana zuzentzeko. Programaren beste zati garrantzitsu bat alderdi praktikoa indartzea izango da. Ikaseleek beren lanak Luma aldizkarian argitaratu izan dituzte gau arte baina, orain, www.idazten.com webgunean egin ahal izango dute. Ikasle batzuek sortutako Interneteko orria da eta beren lanak bertan jarri eta elkarrekin komentatzeko balio du. Honekin batera, hilean behin, larunbatetan, Idazleak irakurle mintegiak antolatuko dira irakurketak duen garrantzia azpimarratzeko.

300 eskola orduko ikastaro hau Bergaran egingo da eta matrikula epea urriaren 1etik 11ra egongo da zabalik. Interesatuek Bergarako UNEDen edo Asmozen eman dezakete izena. >a.a.m.

 

 

 
Idazle Eskolak 70 lagun trebatu ditu lau urteko ibilbidean
 
eta beste 15 hartuko ditu aurten 
 
Aurrerantzean ikasleek, bigarren urtean, 30 orriko
 
lana egingo dute 
 
F.I.
 
Diario Vasco  2007-9-21
 
 
DONOSTIA. DV. Idazle Eskolaren bosgarren ikasturtea aurkeztu zuten atzo Donostian erakunde antolatzaile eta laguntzaileek: Euskal Idazleen Elkartea, Eusko Ikaskuntzaren Asmoz Fundazioa, Bergarako UNED, IVAP eta Gipuzkoako Foru Aldundia. Izango da berrikun-tzarik: adibidez, webgune bat jarri da mar-txan (www.idazten.com), non hango ikasleen lanak eman diren argitara. Aurrerantzean, horixe izango da ikasleek gizartera iristeko izango duten tresna na-gusia.
 d_vasco.gif    

Jakina denez, Idazle Eskola hau ez da literatur idazketara mugatzen; badago administrazio- eta dibulgazio-idazketan trebatzeko aukerarik ere. Baina ikasle gehienek literaturaren hautua egin izan dute orain arte. Ikasketak bi eratara egin ohi dira: larunbatetako eskolak Bergarako UNEDen eta, bestetik, eskola telematiko batzuk, Asmoz Fundazioaren bitartez.

Hauek esan zituen atzoko aurkezpenean Tere Irastortza, Idazle Eskolako zuzendariak: «Beste tutoretza mota bat jarriko dugu aurten, eta ikasleak, bigarren ikasturtean, 30 orriko lan original bat egin beharko du, berak nahiago duen generoan, aldamenean tutorea izango duela urte guztian zehar. Webgunea aldatu egin dugu eta hortxe argitaratuko dira ikasleen lanak, eta era horretara jakin ahal izango dute besteen iritzia».

Euskal Idazleen Elkarteko lehendakaria, Fito Rodriguez, honela mintzatu zen: «Garai batean, batzuek esaten zuten bertsolaritza ezin zela eskolan ikasi, bertso eskoletatik ez zela bertsolaririk aterako. Baina frogatu da ikas daitekeela, eta an-tzekoa gertatzen da idazketarekin: ikasi egin daiteke».

Asmoz Fundazioaren izenean, honela jardun zuen Luis Mari Zalduak: «Behin eta berriz esan dudana esatera noa: Internet eta idazketa ez dira elkarren etsaiak. Orain sekula baino gehiago idazten da, ikusi besterk ez dago zenbat erabiltzen den posta elektronikoa».

Izen emateko epea zabalik dago eta matrikula urriko lehen astean egin daiteke. Hamar- -hamabost taldea osatzea dute helburu. Argibideetarako helbidea: ieskola.asmoz.org

 

 
 
Idazle Eskolaren Ikastaroa
2007-17-9 
 
Idazle Eskolak edozein lanetan euskaraz idazteko gaitasuna bermatzea du helburu eta euskara oraindik ohikoa ez den alorretan erabilgarri egiteko baliabideak eskaini nahi ditu. Bestetik, idazle profesionalei idazle literarioek erabili ohi dituzten baliabide erretorikoak eta estilistikoak ezagutarazi nahi dizkie. Hau kontuan hartuta antolatu du Idazle Eskolak bi ikasturteko ikastaro berria. Ikasketak praktikoak izango dira, eta ikasleek hasieratik hainbat hedabidetan idazteko aukera dute, horien artean orrialde hauetan 2004-2005 ikasturteaz geroztik larunbatero Idazle Eskolari eskainitako tartean, ikasleen lanez osatuta Ikasle Eskolak berak urtean bitan argitara ematen duen "L. Luma berrien eleak" aldizkarian, edo 2006-2007 ikasturtetik aurrera ikasleek zabalik duten leiho telematikoan. Irailaren 28ra arte dago ikastaroan izena emateko epea. Horretarako, inskripzio orria bete eta curriculum labur bat bidali behar da zuzendaritzak ikasleak hautatzeko. Matrikulazioa, berriz, urriaren 2tik 11ra egin beharko da. Modu telematikoan egin ahal izango da, eta zalantza guztiak E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean, Bergarako UNEDeko ikastetxean edo Eusko Ikaskuntzaren Asmoz Fundazioan argi daitezke. Bestalde, Idazle Eskolak bi literatur mintegi antolatu ditu ikasturte honetarako. "Idazleak Irakurle" izenekoa hileko lehenengo larunbatetan egingo da eta Itxaro Bordak, Aingeru Epaltzak, Felipe Juaristik, Karlos Linazasorok eta Amaia Lasa Alegriak hartuko dute parte, beren obran eragina izan duten beste idazleen lanak irakurriz. Paulo Iztuetak hasiko du zikloa Orixe idazleaz hitz eginez, eta Joseba Sarrionandiak egindako hausnarketa-liburuez egingo den mahai-inguru batekin amaituko da. Bertan parte hartuko dute Ruper Ordorikak, Txema Larreak eta Joxemari Iturraldek. Bestea, udaberrian, larunbatero, Anjel Lertxundiren azken obraz izango da eta idazleak post scriptum "Ihes betea" edo nobela baten eraikuntza egingo du liburua osatzeko urratsak eta hausnarketak plazaratuz sei saiotan, eta zazpigarrenean Jorge Gimenezekin arituko da.

 

 
Idazle ezagunak ariko dira irakasle mintegi eta
 
graduatu ondokoetan
 
 'Ihes betea' nobela idazteko prozesua azalduko du Anjel Lertxundik, Idazle Eskolak eratu duen mintegi batean
 
   
 

2007-12-9 

Erredakzioa

Donostia

Aurreko ikasturtean bezala, 2007-2008ko ikasturtean ere idazle ezagunak ariko dira irakasle lanetan Asmoz Fundazioak eta Idazle Eskolak antolatutako mintegietan eta graduatu ondoko ikastaroetan: Anjel Lertxundi, Itxaro Borda, Edorta Jimenez, Aingeru Epaltza, Felipe Juaristi, Tere Irastortza, Karlos Linazasoro, Amaia Lasa...

Idazleak irakurle mintegian, beren obretan eragina izan duten irakurketez mintzatuko dira idazleak, hileko aurreneko larunbatetan. Itxaro Borda, Aingeru Epaltza, Felipe Juaristi, Karlos Linazasoro eta Amaia Lasa ariko dira, banan-banan, zeregin horretan. Horretaz gain, mintegiaren hasierako saioan Nikolas Ormaetxea Orixe-ri buruz mintzatuko da Paulo Iztueta, eta amaierakoan Joseba Sarrionandiaren hausnarketa liburuei buruzko mahai-inguruan mintzatuko dira Ruper Ordorika, Txema Larrea eta Joxemari Iturralde.

Post scriptum 'Ihes betea' mintegian, Anjel Lertxundik Ihes betea nobela (Alberdania, 2006) idazteko prozesua aztertu eta azalduko du, sei saiotan, eta zazpigarrenean Jorge Gimenez editore eta itzultzailea izango du lankide.

Eusko Jaurlaritzak homologatutako graduatu ondoko ikastaroak bi ikasturte izango ditu: lehenengoan idazketarako baliabideak jorratuko dira; bigarrengoan, idazketa literarioa eta lan arloko idazketa. Anjel Lertxundi, Edorta Jimenez, Tere Irastortza, Fernando Morillo, Joseba Lozano, Fito Rodriguez eta Juan Martin Elexpuru izango dira irakasleak.

Urriaren 11 arte izango da zabalik Asmoz Fundazioak eta Idazle Eskolak antolatutako literaturako mintegietan eta graduatu ondoko ikastaroan izena emateko epea. Mintegietan izena emateko epea urriaren 1ean irekiko da, eta graduatu ondokoan, irailaren 18an.

http://www.berria.info/testua_ikusi.php?saila=kultura&data=2007-09-12&orria=039&kont=006 

argia1.gif
 

 


Irakurketak eta horoskopo bitxia
 
Idazle Eskolak plazaratzen duen Luma berrien eleak aldizkariaren azken zenbakian, idazle berrien sorlanak, iritziak, ipuinak eta poesiak irakur daitezke. Iñaki Alkainen Gerrateko Ibilerak I, Sebastian Salaberriaren Neronek tirako nizkin, Alberto Ladron Aranaren Eguzki beltzaren sekretua, Iñaki Isasmendiren Nire denboraldiko ibilerak,., Angel Lertxundiren Ihes betea,, Jeremy Benthamen Panoptikoa eta Laura Mintegiren Ecce Homo liburuei buruzko azalpenak, Gorka Garatek Harkaitz Canori eta K. Olatek Mari Aburtori egindako elkarrizketak  ere agertzen dira. Aldizkaria osatzeko Mariasun Landaren hainbat sorkuntzaren gaineko aipamenak eta  Andoni Etxeberriaren horoskopoa ere badakartza. Planetek beste izen batzuk hartzen dituzte horoskopo horretan: Mariren orrazia, Eibarko liburua, Adolfo, Zakila, Patata, Kaka edo Vietnam, adibidez.

 

BABESLEAK

Laguntzaileak:

orkli