HEMEROTEKA

berria.gif
goienkaria.gif


Literatur plaza digitala
 Mugalari  2007-9-29

Bergarako Idazle Eskolako egitasmoetatik sortuta, ikasle, ikasle ohi, idazle nahiz idazle-gaien elkargune digital bi lakatu da www.idazten.com web-gunea 2006-2007 ikasturte bukaeran. Literatura izanik ardatz eta lokarri, sortze-lanari bide eta aukera berri bat eskaini nahi dio gune honek. Bere helburuen artean, Idazle Eskolako ikasle eta ikasle ohien lanak argitaratzea -idatzi batzuk, dela luzeragatik, dela gaiagatik, zailtasunak baitituzte ohiko argitalpenetan lekua aurkitzeko-, idazle edo idazle-gaien lanen irakurketa sustatzea, eta lanen inguruko iritzi edo iruzkinak jasotzea. Helburu hauei erantzuteko bideak zabaldu ditu orriak, Idazle berrien soslai eta idazlanak argitaratu eta egileen edo generoen arabera aurkitzeko aukera eskainiz. "Argitalpenak" atalean, berriz, Idazle Eskolak orain arte argitaratu dituen aldizkari eta bildumak PDF formatuan eskuratzeko aukera dago. Azkenik, EIEko lehiaketa agendara eta euskarazko arauen atalera daramaten estekak ere baditu.

Bergarako Idazle Eskolak graduondokoa antolatu du
 
bosgarren urtez

 
2007-9-26 
GARA | BERGARA 

Eletan Kultur Elkarteak Bergarako Idazle Eskolako graduondokoa antolatu du 5. ikasturtez. Gradu-ondokoak idatzi nahi dutenei edota lanbidez idazten ari direnei sormen baliabideak eta metodologia bat erakutsi nahi die. Horretarako, baliabide telamatikoak eta presentzialak batu dituzte.

2003-2004 ikasturtean abiarazi zuten Idazle Eskola izeneko egitasmoa. 2007-2008koa bosgarren promozioa izango da. Orain artekoan, 70 idazle gaiek amaitu dute graduondokoa.

Euskal Idazleen Elkarteko lehendakari Fito Rodriguezen esanetan, «bertso eskolen hasieran zeuden zalantza berberak sortu dira idazle eskolekin. Erakuts ote daiteke bertsotan? Baina, orduko zalantza haiek bezala, idazle eskolen premiari buruzko zalantzak ere desagertzen ari dira». Helburuak dira: hizkuntza gaitasunak eta baliabide estilistikoen ezagutza, euskal irakurlego erreala kontutan hartuko duen idazketa lantzea, sormenaren bideak egituratzea eta ikasleak kalitatezko irakurle baten iritzia jaso ahal izatea.

Bestalde, irakurle mintegiak jarriko dira martxan. Bertan idazle izateko irakurketak duen garrantziaz ariko dira eta Anjel Lertxundik bere azken nobelaren eraketaz berba egingo du.

zazpika.gif

BABESLEAK

Laguntzaileak:

orkli