IGARTUA BENGOA ,Karmele "Gauak egunari" Hitzak orbainetan. Felipe Arrese Saria.Olerkia.Euskaltzaindia.BBK Fundazioa. Gauak egunari egunsentian fereka; argiak eta ilunak ilunabarrean muxu - arnasa bat behar zuen ez zenak , izateko - eta hondartzak olatua, itsasoaren isuria.

IGARTUA BENGOA ,Karmele "Gaueko azken orduak" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Gaueko azken orduak goizeko lehenetan du atseden. Geldirik isilik bare lo etxe –barruak- farola –itzaliak- ametsak posta kutxa –horiak-, gutun –lotsatuak- teilatuetako antenak –mundua- asmoak harriak –memoria- banku berdeak –zain- ardurak zuhaitz loratuak –eskaintza- debeku seinale –gorriak- pentsamenduak liliak eta arrosak

IGARTUA BENGOA ,Karmele "Gutuna" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Gutuna Paper zati zimurra, lurrean zapaldua; bihotz, heriotz, pasiozko orbain urratua, tinta beltzetan ezkutatua. Agur, maite maitea

IGARTUA BENGOA ,Karmele "Han" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Han... Nevadako lertxunetan bakardade estigmatuak izenak izanak eta bihotzak enbor izerdietan markatuak - kate beltzak nabarmentzen dira orkatiletan, iraganari deika -

IGARTUA BENGOA ,Karmele "Harria" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Harria Bata bestearen ondoan gainean tartean beste guztiak bezalakoa zirudien. Zirudien. Baina bakana da jaso dudana, neurera; gorrizka borobildua erdi-erditik eztenkatua, zulatua. Bete soka larruzkoaz haren hutsa, estali zauria, eta lepotik behera zintzilikatu bihotz ondora, bihotz ondo-hondora.

IGARTUA BENGOA ,Karmele "Harrizko harmailan" Hitzak orbainetan. Felipe Arrese Saria.Olerkia.Euskaltzaindia.BBK Fundazioa. Harrizko harmailan eseri dira bata bestearen ondoan eta hain urrin, eta aspaldiko... harrizko harri karratu haien antzera, bata bestearen ondoan egokituak; antzinatik, isilik, bakan eta bakoitz eta bakar-bakarrik

IGARTUA BENGOA ,Karmele "Hirekin" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Hirekin arimaren erritmoan bizitzea ez dun hain zaila izango; higan dinate ez denborak eta ez lekuak eta ez izanak ezetzak ezerezten; hirean esan gabeko hitzez gozatuko dinat; hiretzat zitunan aro berriko ametsak.

IGARTUA BENGOA ,Karmele "Ilargia bete aurretik"Hitzak orbainetan.Felipe Arrese Saria.Olerkia.Euskaltzaindia.BBK Fundazioa.Ilargia bete aurretik dantzatu dut ilargi beteko gauean zurekin; lauretako hitzordua hiruretan dastatu, barruko kilimetan; neguan gozatu dut udako beroa; begiak itxita biluztu nauzu bihar esnatzean eta eraldatu loa iñuntz; hasi gabeko denboran baita zilegi eta posible, eta ederra... dena; eta gogoa libre.

IGARTUA BENGOA ,Karmele "Ilusioa ez dena da" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Ilusioa ez dena da; eta ba da. Bizi gabe, bizi arazle, nahi, zorion perfektua (bazekien berak) eta eraiki zuen ilusiozko denbora eta maitasuna eta lainoak eta muxuak eta koloreak. Eta irudikatutakoa borratu zitzaionean (ez zelako) guztia borratu zen, itsu, gor, loa deitu zuen eta itzali, eta isildu bere sena, bera zena

IGARTUA BENGOA ,Karmele "Izarrik ez zeruan-goizaldean-" Luma berrien eleak  2009, 7 Zb. 45 or.

IGARTUA BENGOA ,Karmele "K.622" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Vinilozko diskoan oparitu didan bihotz baten arnasa, lau haizetara zabaldutako poema idatzi gabea, eta nik, memorian gorde dinat esan gabeko hitz guztien artean, eta esandakoetatik ederrenen altzoan.

IGARTUA BENGOA ,Karmele "Karakola" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Bazaukanat karakola bat etxean, aspaldi, Getariako hondartzan -itsasoak utzita bakar bakarrik- (karakola) topatu eta jaso ninana; hustasunez bete-betea zirudiena (karakola) belarrian jartzen ninan haren deia ulertzearren, eta, arnasa bat entzuten ninan nik (karakolan) etxekoek itsasoa zela esaten zutenean.

IGARTUA BENGOA ,Karmele "Konta iezadazu" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Konta iezadazu paperetan bizi den pasioaz maitemindu zinenekoa; konta, eguneroko denboran iraun, eta, ez denbora guztietan sentitzen zenuen harenganako erakarpena dastatu zenuenekoa; konta iezadazu, berriz, eroaldiak bizirik zinela bermatu zueneko pasadizoa; eta konta, zure barruak gainezka egin zuenekoa, inon idatzitakoaren aldean ederra zena eman zenuenean, guzia isil-isilik isildu zeneko egun hartakoa.

IGARTUA BENGOA ,Karmele "Kristalaren beste aldean" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Kristalaren beste aldean dago mundua: lurra eta ortzia; beste aldean dago, beti, dena, eta zu. Eder, erraz zeundelakoan egin dut bidea, eta gurutzatu direnean bion barruak, nik nahi zintudan zu, zuk ni gura.

IGARTUA BENGOA ,Karmele "Leize-aho haietan"Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Leize-aho haietan eguzki-lorea izatearen lekuko eta holaxe, - bihotz aldeko soinburu batean eguzki urdina markatu du emakume batek izan nahiaren aieru -

IGARTUA BENGOA ,Karmele "Lilia" Hitzak orbainetan. Felipe Arrese Saria.Olerkia.Euskaltzaindia.BBK Fundazioa. Lilia Poetak biluztu zuen liliaren hostoek, hego haizetan, nora - eza gorputz; dantzan-dantzan lurreratu dira lili-lur zuriak; esku ahurrean bildu ditut berriz bat, bi, hiru... eta neure baitara ekarri. Ni nintekeen lilia; zu, poeta.

IGARTUA BENGOA ,Karmele "Luma beltza" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Luma beltza jaso dinat lurretik. Emea dun luma galdu duen enara beltza. Berritu nahi ditin enarak soinean daramatzan babesak, erantsi nahi din soineko beltza, kolore bizitan jantzi hegaldia. Ez zakin enarak beltzak egiten duela bera, eder, bakan airean

IGARTUA BENGOA ,Karmele "Mozarten adagioan" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Mozarten adagioan etzan dut gogoa; askatu, nauzuna, eta iruditu zait inguru guzia eta nire unibertso txikia isil-isilik isildu egin dela, geldi-geldirik gelditu dela: gortinetako liliak eta astigarra, egurrezko altzairuetan eta lur azpiaren azpiko xomorroak eta leiho atzeko laino zuriak eta euria, bera; eta iruditu zait

IGARTUA BENGOA ,Karmele "Nire arnasan izkiriatu duzu" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Nire arnasan izkiriatu duzu zureaz maitasunik ederrena, maitemindu batek, inoiz, paperean isuri duen eta ezinezko zirudien hura; (Ura, ortziak behin eta berriz lurrari eskaintzen diona; lurra, behin eta berriz ernaltzen dena). Bizitza deiadarka bizi-mintzetan. Nire arnasan.

IGARTUA BENGOA ,Karmele "Oihanak eta mendi barruak" Hitzak orbainetan. Felipe Arrese Saria.Olerkia.Euskaltzaindia.BBK Fundazioa.Oihanak eta mendi barruak aztarnetan diraute bizirik; koloretan eta koloretan berritzen dira izan zirenen arrastoak betiereko haitz-horma eta enborretan -gorputz osoan mila irudi urdinak, beltzak eta gorriak larrua jantzi biziz, bizia larru berriz, berriz ernaltze ahaleginetan-