 |
|
| Irudian ikus ditzakegu garun-kortexean dauden guneak eta haien funtzioak. |
Gizakiaren mintzaira, eboluzioaren segidan, azken lorpena dela esan daiteke; tresna berezia da, gero! Bere erabiltzaileei sekulako abantaila eman die, hainbeste, ze, antzinatik, animalien erreinua bitan banatu baikenuen: lehenengoan, nor bere burua gobernatzeko senak erabiltzen zituztenak, animaliak, jarri genituen; eta, bigarrenean, adimena gobernatzeko erabiltzen zutenak, gizon-emakumeak.
Hala ere, inoiz ez zait gustatu bereizketa hau: gure talaiatik egina, badirudi ahaztu egin dugula zein izan zen gure hastapena; edo, hobe esanda, eta sekula ahaztu egin beharko ez genukeena: holako tresna miragarria eduki arren, inoiz ez dugula beste animaliekin konpartitzen dugun erreinua utzi; kontua da gure etxeetan ditugun abereak bezain animaliak garela: aberatsak?... beharbada... baina animaliak!
