VALOIS NUÑEZ, Carmen "Palestina"(Poesia)

Poesia

Luma berrien eleak

Xehetasunak: Nork idatzia: Valois Nuñez,Mª Carmen; Kategoria: POESIA; Azken eguneraketa: 30 Iraila 2016; Bisitak: 26955

Poesia

PALESTINA

Zure zeruan deskargatutako tiro hotsek,
asaldatu dute niniaren loa,
Eragin dute amaren oihua,
Sortarazi dute adinekoen ikara,
Piztu dute gazteen gorrotoa.
Eta suntsitu dituzte kaleak,
akabatu dituzte esperantzak.
Palestina
Zurean eragindako heriotzak
garrasi itoak bilakatu dira nire ahoan.
Zuri egindako kalteak,
jiraka darabilzkit buruan
arima erratuen antzera.
Zurean isuritako odola ordea, ez da alferrik galduko
Eta jaioberrien zilborretan iraunen du, bizirik.
Palestina
Zure malkoetan hiltzen ez duten balak irudikatu nahi nituzke
Eraikitako harresiak desegiteko
Emandako mina leuntzeko
Bortxatutako duintasuna berreskuratzeko
Gure kontzientzia geldoak astintzeko.

Palestina,
nola bizi zurea ahaztuta?

Carmen Valois

Kristina Fernandez Irudiak

BABESLEAK

Laguntzaileak:

Poesia