11 HILABETE
 |
|
|
 |
ERANTZI zapatak
eta utzi hondar bustiari azalera itsasten.
eta utzi hondar bustiari azalera itsasten.
Errazagoa da zubiak zeharkatzea
hormak zeharkatzea baino
edota denbora galtzea
denborari joaten uztea baino.
edota denbora galtzea
denborari joaten uztea baino.
Bitartean ireki parentesia mina egurasteko:
jaso edalontzi hutsez betetako mahaia
ahaztu oroitu ezin diren zaporeak
-ozeanoz bestaldeko kafe arola-
jaurti zimeldutako mitxoletaren loreontzia leihotik
jaurti zimeldutako mitxoletaren loreontzia leihotik
eta laztandu atzean utzi duen itzala,
jaio ez den haurraren azala balitz bezala.
jaio ez den haurraren azala balitz bezala.
Eta haize berriz jantzi ostean
garbitu galtzerdi lokaztuek utzitako oinatzak
garbitu galtzerdi lokaztuek utzitako oinatzak
jantzi zapatak
eta itxi leihoa...
eta itxi leihoa...
eta parentesia.
