11 URTE
 |
Irudia: Oihane Jaka
|
 |
Orain hilak ditugu.
Karmele Jaio
ORAIN hilak ditugu.
Bata bestearen atzetik pilatzen zaizkigu
autobideko kotxe txikituetan
ospitale zein zahar-egoitzetako maindire zuriko ohatiletan
karenez hornitutako sabel epeletan.
Bata bestearen atzetik pilatzen zaizkigu hilak
egunkariko eskela
errepide ondoko beilatoki
argazkiz beteriko albumetan.
Orain (ere) hilak ditugu...
lehen bezalaxe.
