Poesia

Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak
Luma berrien eleak

Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
 
 Eta den guztia gobernatzeko afanean
Eta den guztia gobernatzeko afanean,
eta denbora bera ere gobernatu gura honetan,
zatitu egin dugu
zartatu, urratu, eten,
zauritu arte
bizitza.
 
-Atzo eta gaur eta bihar
eta lehen eta orain eta gero-
 
 
Dikeak eta dikeak
erreketako uretan
pilatu nahiz bizia;
zementuak eta zementuak
mendietako lurretan
zeharkatu nahiz espazio guztia;
orduak, minutuak,
segundoak, segundo milarenak
geratu nahiz denbora;
baina urak joan nahi zuen
eta mendiak geratu
eta denborak izan, une guztietan.
-Atzo eta gaur eta bihar
eta lehen eta orain eta gero-
 
eta gerorako bizi bagara
atzotik gatozenak,
garenean dago, noiz gabean, izatean
denbora bakarra,
atzokoa eta biharkoa:
denbora guzti-guztia.
Eta dike gabeko ur emarietan
eta hesi gabeko lur sailetan
eta mugarik gabeko denboretan,

 

eta zerua zeharkatzen duen
enara beltzaren hegaletan.

Karmele Igartua

Kristina Fernandez Irudiak

kristina fernandez

BABESLEAK

Laguntzaileak:

orkli

 

Mesedez! Webgune honek cookieak eta antzeko teknologiak erabiltzen. Informazio gehiago