itsasoa

Itsaso
urdin, sakona,
ur guztien sorleku,
lainoen ernal-toki,
euri emankorren arbaso,
arrainen bizileku,
ibai nekatuen atseden,
haizekirrien pausaleku,
ekaitzen errepide,
marinel sufrituen
jaun eta jabe,
gizaldietan zehar
eta gaur egun ere
ikaraz eta begirunez
gaitzetsia eta onartua,
gorrotatua eta maitatua.

Itsaso handi,
zabal, betikoa,
zure mezu isil,
gazi-gozoa
etengabe
pozez eta trajediaz
jantzirik doa.