 |
 |
GUTUNETAN -DENBORA III-
Eta orain, ba,
ez dut ulertzen
hasi eta bukatzen den denbora bat,
jaiotzea dela hastea,
hiltzea bukatzea.
Ez zinen ezerezetik sortu
ez zara ezereztu;
ukitu ezinerantz urrundu,
hori bai,
eta eraldatu
zinena, zintezkeena ... garenotan .
-Memoriak bilduko du bere baitan
izaera lehena,
nola haritzak haritza.-
Eta orain, ba,
ez nau hiltzeak arduratzen,
biziak bai, eta bizirik bizitzeak.
Ez dut hil nahi bizi naizen artean,
eta gero, ba, gerokoak.
