Zortzi aldiz
Zortzi aldiz biluztu zizuten burua,
kizkur zoragarrietatik
Zortzi aldiz disimulatu genuen gure urduritasuna,
jario kantari zentzugabearekin
Zortzi aldiz samurtu ziren
maskara gaineko begi profesionalak,
zure begi bizien salotasuna ikusirik
Zortzi aldiz itxi ziren ate bikoitzak
Zortzi aldiz eseri ginen sala hotzean
Zortzi aldiz informatu zigun bata zuriak: “dena ondo”
Zortzi aldiz esnatu, lehenengo pixa, lehenengo janaria…
Zu ez zara gogoratzen; urtebete ere ez zenuen
Horregatik gainezka egiten digun sentimendua:
ZORTZI ALDIZ GEHIAGO MAITE ZAITUGU!
