Ez daki
Ez daki zer den mina, aldamenekoa minbiziz hiltzen ikusi ez duenak
Ez daki zer den bakardadea, gartzela ezagutu ez duenak
Ez daki zer den inbidia, maite duena bere lagun onenarekin musuka ikusi ez duenak
Ez daki zer den gorrotoa, aita hil ziona aurrean ikusi ez duenak
Ez daki zer den urduritasuna, goizaldean seme-alabak noiz etorriko zain egon ez denak
Ez daki zer den beldurra, bikoteak behin ere jipoitu ez duenak
Ez daki zer den dependentzia, dosi betegatik ama ere saltzeko prest egon ez denak
Ez daki zer den herrimina, kanpora ihes egin beharra izan ez duenak
Ez daki zer den nazka, bortxatua izan ez denak
Ez daki zer den infernua, infernuan egon ez denak.
