Oso gaztetatik gustatu izan zait idaztea. Ikastolan idazlanak eskatzen zizkigutenean, pozarren egiten nituen, eta nota onak jartzen zizkidaten, gainera. Ondoren, Kazetaritza ikasketak egin nituen eta horrek asko idaztera eraman ninduen. Eibarko …eta Kitto! Astekarian aritu nintzen luzaro eta izugarri ikasi nuen bertan. Bestalde, bertso sortak idatzi izan ditut ugari, orri zuriaren aurrean jarritakoan joera hori nagusitu izan zaidalako. 2016-17 ikasturtean Idazle Eskolan eman dut izena idazteko modu berriak ikasteko asmoz.