Nor naizen? Ama, emazte, alaba, arreba, irakasle,aktore, lagun, izeko, lehengusina, lankide....eta zerrenda bukaezina , kontatzen hasiko bagina….hau nahaste-borrastea.

   Izenez, Goiz Eder Iturain Aramendi naiz. Eta bai, nire izena ez da elkarrekin idazten, bi hitzez osaturiko izena da nirea, nahiz eta behin eta berriz hau aldatzen saiatzen diren.

   Zumaian jaio eta bertan bizi naiz. Gustuko dut Euskal Herriko txoko polit hau, nahiz eta azken bolada honetan….jende gehitxo den honen jakitun.

   Magisteritza eta Psikopedagogiako ikasketan egin nituen. Donostiako Arte Eszenikoen Tailerrean , T.A.E, ere formatua naiz aktore moduan.

   Irakaskuntza eta antzerkia nire bi pasioak izanik, antzerkia eskolan uztartzen saiatzen naiz. Haur eta gazteei, artearen alor desberdinetan parte hartzearen gozamena irakatsiz.