Egiten gaituzte denborek,
egiten gaituzte lekuek.

Eta hemen
orain
garena gara, agian
edo garenetako bat baino ez

Uneek, tokiek ematen digute edertasuna
ez gure izateak
basoan galduta gose garenean
ez du deus balio urreak
eta liburutegiko kartelaren esanetan
................bere apalean ez dagoena, liburu galdua da

Han, atzo
hor, bihar
edo gaur, hemen

Zein ote da nire lekua,
................zein nire denbora?