usaina

Esku txikiak
heldu egin zizun
barru-barrutik,
eta sentitu egin zenuen
haren premia;
eutsi,... heldu,
.............bizitzari.

Esku txikiak
lur usaina du,
lur eta haragi gorriaren
usain berria.

Lur eta haragizkoa
zarela esatera dator.

Behin,
lau hankatan, larru gorririk
ibilitakoa zarela,
baso honetan,
azala miazkatuz
uluka,
bizitzari darion usainari segika.

Eta denbora ahaztu hari tiraka
dator,
lur zaharrez eta haragi gorriz
egindakoa zarela gogoratzera