BANAIZ
Elementu berdinak izan arren,
aldakorra naiz.
Izan ninteke gaua
izan ninteke eguna
baina,
lanbroa naiz
eguzkiaren erdian.
Euria,
lur idorretan.
Laino beltza
esnatu gabeko egunsentian.
Elurra,
basamortu geldoan.
Amua
arrainik gabeko uretan.
Samina,
bihotzik gabeko gorpuan.
Hauts erratua,
arimarik gabeko hilerrian.
Hitza,
idatzi gabeko lerroan.
Eta hala ere, banaiz.