 |
 |
DEABRUAK
Nork deskubritu ote zituen deabruak?
sekula amesten ausartu ez zen
lurzaleak,
koloreetan erreparatu gabe aurrera jarraitu zuen
hark,
senari kasu ez eta beldurraren esanetara jartzea erabaki zuen
gizaki ustekoak,
edertasunari adi jarri gabe, egunak pasatzen utzi zituen
batek,
errazagoa zelakoan, ekin gabe egotean zailena aukeratu zuen
gizagaixoak,
edo hiltzean, bizi zen artean dastatzen ausartu ez zena galtzearekin
beldurtu zenak?
Ala,
deabruak beraiek sartzen dira
nor diren ulertu ez dutenen erraietan barrena,
lurraren arrailduretatik laba jariatzen denean bezala
eta izan zitekeen guztia galtzeak dakarren
oinazez eta desesperazioz bazkatzen ote dira
azkeneko gauetan?
