 |
ZIRRARA
Maitemina: “pertsona batenganako sentitzen dugun
Aparteko maittasun zirrara” (adorez 4)
Beltza isilik bizi da, barruetan;
egunez ikusezin,
ilunarekin nahasten da gauero;
konpartitu gabeko
amodio alperrik galdua;
nahi luke urdin beltzak,
nahi luke berde,
badaki gorriaz;
baina esanezinak eta
eman ezinak eta
jaso ezinak
belztu du
nabarra behar lukeen
maitetasun infinitua.
Telefono hariari esan nahi lioke;
telefono harietatik
galdera bat bakarrik:
nor da?
eta telefono hariek ez dute ezagutzen.
Absolutua izan zitekeen amodio beltza:
urdin, berde eta gorria,
baina beltza da,
eta ez da.
 |
