 |
 |
IDAZTEKOAK-I-
Idatzi nahi ninan zerbait ederra, oparoa,
ordu isiletan irakurri izan dudanaren antzekoa,
baina hitz bakarrean geratu dun nire esana,
-gauean-
eta gero jantzi nahi izan dinat
egunsentiz gaua,
edo izarrez,
edo gela urdineko kriseilu zuriaren argi horixkaz, sikiera,
baina jantzi ahala
eranzten zitinan egoskor geruzak
-gauak-
argi guztiak itzali ditinat nik azkenean,
eta begiak itxi
eta etortzen utzi
-gauari-.
