Erabiltzailearen balorazioa: 5 / 5

Star ActiveStar ActiveStar ActiveStar ActiveStar Active
 

 

Ezaba dezagun, maitea, arkatzez idatziriko koaderno zahar hura,

tintaz oroitzen nuena.

Ezaba dezagun guztia,

azken koma arte,

gauero logela hegian zelatan daukagun borreroak egin baino lehen.

Ezaba dezagun atzoko dei-galdua,

sendagilearen aienea, malko-erreka,

arren.

Esadazu lokartu dela erraietan arrautza ustelak erruten daramadan harra,

ez dariola kiratsik nire erraiei,

hasi direla zabaltzen eta tximeletak direla hegaka.

Ezaba dezagun azalean itsatsita daramadan iraungitze- data.

Ezaba dezagun, kezkaren orbana maindiretatik,

pozoiaren arrastoa zainetatik,

jagole beltzaren irudia ispilutik.

Ezaba dezagun guztia, maitea, berriz ere idazten

hasteko.

Mikel Gartziarena

Mesedez! Webgune honek cookieak eta antzeko teknologiak erabiltzen. Informazio gehiago