korapiloak
 |
 |
Jolas honek normalean bi pieza izaten ditu, baina badaude hiru eta gehiagokoak ere. Lotzea erraza da, nahi gabe bezala suertatzen da batzuetan; jokalarien gaitasuna aproban jartzen duena piezak askatzea da.
Mota askotakoak daude eta alde handia egon daiteke batzuetatik besteetara; lehen aritu izanak ez du, beraz, arrakasta bermatzen. Tentatzen bazaitu, ez jarri eperik zure buruari; askotan ez da lehenengo saiakeran asmatzen. Gutxi, baina askatzen ezinezkoak direnak ere badira.
Ez dute jarraibiderik ekartzen; zailtasunik baduzu, eskatu laguntza zure eskarmentuari: nola moldatu zinen zure bizitzatik ateratzeko, horren erraz korapilatu zitzaizun zera hura?
Ba, hori... hau ere patxadaz hartu...