Aldagaiak
Irudia: Lina Bo Bardi
Nire kontra egon liteke
eguraldia gaur.
Nire kontra,
ezkaratza,
afaria,
eliza,
edota telebista.
Nire kontra,
bizilagunak,
koadrilakoak, 
amonak,
edota kazetariak.
Norberaren alde egitea, batzuetan,
ezjakintasunaren gorazarrea da,
ulertuezinak banandu beharrean
irribarre bat ateratzeko
gaitasunak
mugak gainditzea.
Batzuk badakigu eguraldia ez dela neutroa, sekula.
Zuhaitzek,
harriek,
jakingo ote dute?
